Жастар арасында дін мәселелері және қоғаммен байланыс жөніндегі орталықтың ұйымдастыруымен Қандыағаш қаласының жамағаты Ақтөбе медресе колледжіне барды.
Орталық басшысы Әділет Маусымов, аудандық «Нұртай» мешітінің бас имамы Әсемхан Ерғазин бастаған қандыағаштық жамағаттар медреседегі білікті ұстаздар, теологтармен кездесіп зайырлы мемлекетімізде дін мен қоғам арақатынасын, рухани құндылықтардың қоғамдық өмір мен қоғамдық санадағы орны мен рөлі төңірегінде әңгіме өрбітіп, тәжірибе алмасты. Сонымен қатар оқу орнының бүгінгі тыныс-тіршілігімен жанжақты танысты.
«МҰҒАЛЖАР АҚПАРАТ»