Аудан әкімі Асқар Шериязданов ауданның мектеп бітіруші түлектерімен кездесіп, аудан аумағындағы өндіріс саласына қажетті мамандықтарды таңдауға кеңес берді.
Қандыағаш қалалық №1 орта мектебінде өткен кездесуге жаратылыстану, физика, математика, биология пәндерін таңдаған оқушылар келді. Жиын басында сөз алған аудан әкімі түлектерге аудан аумағындағы өндіріс саласы туралы толық ақпарат берді. Сонымен қатар Мұғалжар өңірінде дамыған мұнай ісі, теміржол, өндіріс, кәсіпкерлік салалары жұмыс жасайтын аудан азаматтарының пайыздық үлесін атап көрсетті.
Әкімнің айтқан мәліметі бойынша, бүгінгі таңда аудан аумағында ірі 41 кәсіпорында 19000-нан астам адам жұмыс жасайтын көрінеді. Ауданда кәсіпкер ретінде 3500 адам тіркеліп, 7000-ға жуық адамды жұмыспен қамтып отыр.