БҮГІНГІ МЕРЕКЕЛІК НӨМІРІМІЗДІҢ КЕЗЕКТІ КЕЙІПКЕРЛЕРІ – ЕЛІМІЗ ЕГЕМЕНДІК АЛҒАН ЖЫЛДАРЫ ЕҢБЕК ЖОЛЫН БАСТАҒАН МҰҒАЛЖАРЛЫҚ ҰСТАЗДАР. МАМАНДЫҚТАРЫН ӨМІР ЖОЛДАРЫНА АЙНАЛДЫРЫП, ТӘУЕЛСІЗ ҚАЗАҚСТАННЫҢ БІЛІМДІ ҰРПАҒЫН ТӘРБИЕЛЕУГЕ ӨЗ ҮЛЕСТЕРІН ҚОСЫП ЖҮРГЕН ЖАНДАРДЫҢ АЙТАРЫ БАР ЕКЕН…
Гүлмира ҚАЛИЕВА, Жарық ауылы:
Бала кезден сурет салғанды жақсы көретінмін. Сабақта үнемі сурет салып отыратын едім. Сыныптастарым маған күлетін сол кезде. Содан мамандықты да осы бағытта таңдадым. Оқу бітіргеннен кейін 1989 жылы балабақшаға жұмысқа тұрып, кейіннен мектепке ауыстым. Қазір Жарық негізгі орта мектебінде көркем еңбек пәнінің мұғалімімін. Бала кезгі қызығушылығым осылай өмірлік жолыма, табар наныма айналды десем болады. Міне, 30 жылдан астам уақыт сүйікті ісіммен айналысып келемін. Бұл таңдауыма еш өкінбеймін.