Ақтөбе облысының әкімі Оңдасын Оразалиннің жұмыс сапары Ембі қаласында жалғасты. Облыс басшысы теміржол бойындағы Б.Момышұлы көшесінде орналасқан көп қабатты, 1990 жылдардан кейін қаңырап бос қалған тұрғын үйлерге жүргізілген жөндеу жұмыстарымен танысты.
Б.Момышұлы көшесіндегі бес қабатты №11 және №15 тұрғын үйлер 1994 жылдан бастап бос тұр. №11 үйде — 45 пәтер, №15 үйде 90 пәтер бар.
№11 үйдің күрделі жөндеу жұмыстары аяқталды, ал №15 үйдің күрделі жөндеу жұмыстары 2022 жылдың ақпан айында аяқталады. Бұл тұрғын үйлердегі пәтерлер Ембі қаласы бойынша тұрғын үй кезегінде тұрған түрлі санаттағы тұрғындарға беріледі.