Төлеулі МАХИМОВ, мемлекеттік қызмет ардагері:
— Қазақ елі талай нәубетті бастан кешіріп, осыдан 30 жыл бұрын еңсесін тіктеген Тәуелсіз ел атанды. Бұл еркіндік бізге кешегі ата-бабалардың қанымен, алашордашылардың күресімен, желтоқсаншылардың құрбандығымен, Елбасымыздың сарабдал саясатының арқасында келді. Тәуелсіздігіміздің тұғырлы болуына өзінің сүбелі үлесін қосып, қазақ елін әлемге таныту жолында және бейбітшілік туының астына түрлі ұлт өкілін жинауда өзінің өзгелерге үлгі болар қолтаңбасын қалдыра білген Тұңғыш Президентіміз халыққа жуырда жеті тұғырдан тұратын қағидатын ұсынды. Қағидат адамзатқа ортақ құндылықтыр жиынтығынан тұрады. Онда білім мен мәдениет, рухани байлық пен халық қазынасы тарқатылып айтылып, бәсекеге қабілетті болудың жолдары ұсынылып, ел халқын бірлікке шақырады. Қазақ халқы ертеден данагөй тұлғаларының дегеніне ден қойып, бірауыз сөзін жерге тастамай құрметтеген. Бүгінгі және келер ұрпақ та ұлт көшбасшысының қағидатын көңілге тоқып, елдің ертеңі үшін жұмыла білу керек.