Мұғалжар аудандық Төтенше жағдайлар бөлімі жаңа арнайы техникалармен толықты. Тәуелсіздік күні қарсаңында облыстық Төтенше жағдайлар департаментіне қарасты өртке қарсы қызметтің бөлімшелеріне арнайы техникалардың кілттерін салтанатты түрде Ақтөбе облысының әкімі Оңдасын Оразалин табыстады.
Салтанатты шарада Мұғалжар ауданына 3 жаңа арнайы техника берілді. Оның ішінде 2 өрт сөндіру автокөлігі, 1 қызметтік автокөлік бар. Өрт сөндіру автокөліктері Қандыағаш пен Ембі қалаларының өрт сөндіру бекеттеріне берілді.