«Мұғалжар» аудандық қоғамдық-саяси газеті

Биылдан бастап колледждерде кімдер тегін оқиды

2022 жылы колледжде білім алуға бөлінетін мемлекеттік тапсырыс саны 10 000 орынға артады. 107 мың қазақстандық студент колледждерде мамандықтарды тегін меңгере алады, деп хабарлайды Stan.kz ақпарат агенттігі.

Білім және ғылым министрлігі таратқан мәліметке сенсек, 9-сынып бітірушілердің барлығы «Білімді ұлт» сапалы білім беру» ұлттық жобасы аясында кезең-кезеңімен тегін оқи алады.

«Биылғы оқу жылында алғаш рет әлеуметтік осал топ санатындағы балалардың колледждерге түсуі үшін тағы үш квота енгізілді. Квота көпбалалы, толық емес отбасынан, ерекше қажеттіліктері бар балаларды тәрбиелеп отырған отбасынан шыққан балаларға арналған. Бұрын мұндай мүмкіндік жетім, ата-анасының қамқорлығынсыз қалған, ерекше қажеттіліктері бар балаларға, сондай-ақ жеңілдіктер бойынша Ұлы Отан соғысы қатысушыларына теңестірілген тұлғаларға қарастырылған еді. Ауыл жастары да квота бойынша мемлекеттік тапсырысты алады», – деді ҚР БҒМ техникалық және кәсіптік білім департаментінің директоры Насымжан Оспанова.

Сонымен қатар білім берудің ашықтығы мен қолжетімділігін қамтамасыз ету үшін министрлік мемлекеттік тапсырыстарды «Ақша студенттің соңынан жүреді» қағидаты бойынша орналастырудың жаңа механизмін әзірледі.

Яғни бұған дейін гранттарды колледждер арасында білім бөлімдері орналастырған болса, енді колледждер арасындағы мемлекеттік тапсырыс талапкерлердің таңдауы бойынша бөлінеді.

Ұқсас ақпараттар

Халық санағының бірінші кезеңі басталды

admin_mugalzhar

АҚПАНДА ӘУЕЛЕТІП ӘН МЕН ЖЫРДЫ

admin_mugalzhar

Қазақстанда Наурыз мейрамы он күн тойлануы мүмкін

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.