Аудандық «Нұртай» мешітінде қандыағаштық жамағаттар арасында «Әдемі әуезді азаншылар» атты азан айтудан жарыс өтті. Аталған сайысқа тоғыз шәкірт қатысып, өздерінің әдемі әрі әуезді дауыстарын көрсетіп, азан айту шеберліктерін сарапқа салды.⠀
Жарыс нәтижесі бойынша I орынды Асылбек Ағымбаев жеңіп алды. Ал II орынға Дәуренбек Сираж, III орынға Ермек Елтаев ие болды. Азан жарысының жүлдегерлері бағалы сыйлықтармен марапатталды.⠀
— Мұсылманның кереметтерінің бірі азан болып саналады. Біздің бұл сайысты өткізудегі мақсатымыз – шәкірттердің азан айту шеберлігін шыңдау, ынталандыру, және жамағаттар арасында ауызбіршілікті нығайту, – деді «Нұртай» мешітінің бас имамы Асемхан Ерғазин.
АЗАН ШАҚЫРЫП ЖАРЫСТЫ
