Қандыағаш қаласының мамандандырылған балалар-жасөспірімдер спорт мектебінде «Ақтөбе мұнай маш комплект» мекемесінің ұйымдастыруымен мекеме қызметкерлері арасында спартакиада өтті.
Мекеме қызметкерлері спорттың шағын футбол, волейбол, үстел теннисі, гір көтеру және арқан тартыс түрлерінен сынға түсті. Спартакиадаға қатысушылар жекелей және командалық сайыстарда жүлделі орындарға таласты. Спартакиаданың жабылу салтанатына қатысқан аудан әкімінің орынбасары Ғалым Қобландин тартысты өткен ойындардың қорытындысы бойынша жеңімпаз бен жүлдегер атанғандарды кубоктармен, медальдармен, дипломдармен марапаттады.