21 наурыз күні Ащысай ауылдық Мәдениет үйінде «Ұлыстың Ұлы күні- Наурыз» атты мерекелік іс-шара өткізілді. Ауыл тұрғындарын Ащысай ауылдық округінің әкімі Баймұрат Оразов Наурыз мерекесімен құттықтады.
Мерекелік шарада ауыл өнерпаздары ән-жырларын тарту етіп, көрермендердің ықыласына бөленді. Наурыз көже асылып, ақ дастарқан жайылып, тұрғындар астан дәм татты. Ұлттық спорт түрлерінен сайыстар ұйымдастырылды. Сайысқа қатысып жүлдеге ие болған жеңімпаздарды окург әкімі дипломдармен марапаттап, сыйлықтар табыс етті. Мерекелік шараның жоғары деңгейде өтуіне ауыл азаматтары, Ерлан-К ШҚ және Даража ШҚ иелері демеушілік көрсетті.
АЩЫСАЙДА НАУРЫЗ ТОЙЫ ТОЙЛАНДЫ
