«Мұғалжар» аудандық қоғамдық-саяси газеті

Су тасқынынан зардап шеккен бірде-бір тұрғын көмексіз қалмайды

Облыс әкімі Оңдасын Оразалин су тасқыны кезеңінің өтуіне байланысты жиын өткізді.
Төтенше жағдайлар департаментінің басшысы, Ақтөбе қаласының әкімі, сонымен қатар аудан әкімдері онлайн түрде ведомствоға бағынысты аумақтардағы және тасқынға қарсы шараларда жүзеге асырылып жатқан жедел жағдай туралы баяндады.
Облыс әкімі еріген суларды жедел сорып тұруды жалғастыруды, су басқан үйлер мен инфрақұрылымдарды қалпына келтіру мәселелерімен айналысуды тапсырды.
«Жалпы, тасқынға қарсы қорғанысты қамтамасыз ету жұмыстары жүргізілуде. Тиісті шаралар қабылданып жатыр, азаматтарды қажет болған жағдайда эвакуациялау жағы ұйымдастырылып қойды. Материалдық шығынды өтеу мәселесін пысықтау керек. Көктемгі су тасқыны салдарынан мүлкі бүлінген облыс тұрғындарының бірде-бірі көмексіз не назардан тыс қалмайды. Облыстың әрбір елді мекеніндегі, әрбір ауылындағы зардап шегушіні анықтаңыздар», — деді Оңдасын Оразалин.
Облыс әкімі сондай-ақ эвакуацияланған азаматтарға тиісті жағдай жасауды, су тасқынын үнемі мониторинг жүргізіп, бақылап отыруды, орын алған жағдайға сол бойда әрекет етуді тапсырды.

Облыс әкімінің баспасөз қызметі.

Ұқсас ақпараттар

ОБЛЫС ӘКІМІ ЖҰМЫС БАБЫМЕН МҰҒАЛЖАР АУДАНЫНДА БОЛДЫ

admin_mugalzhar

ТҮЛЕКТЕР ТАРТУЫ — «МЕКТЕПКЕ ТАҒЗЫМ»

admin_mugalzhar

2023 жылы қазақстандықтар қалай демалады

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.