Аудан әкімдігі Ақтөбе мыс компаниясының бас директоры Фарит Суфьяновпен келіссөздер жүргізді.
Нәтижесінде Ембі қаласында орналасқан Ембі қызмет көрсету саласы колледжінің дәнекерлеуші (сварщик) және электромеханикалық өндіріс (электромеханическое производство) мамандықтарында оқып жатқан студенттері Ақтөбе мыс компаниясының жұмыстарын көру үшін өндіріс орнына экскурсияға барып, карьер, руда өндіру орындары, көлік жөндейтін шеберхана, АБК (административный бытовой комплекс), басқада жұмыстарымен танысады.
Студенттер өз тараптарынан қызығушылық танытқаннан кейін 2-3 ай өндірістік тәжірибеден өтетін болады. Өндірістік тәжірибеден өткен студенттер жұмыс жасауға ынталанып, ниеттерін білдірген жағдайда Ақтөбе мыс компаниясына тұрақты жұмысқа орналасуға мүмкіндік алады.
Аталмыш өндіріс орны келіссөз негізінде Ембі қызмет көрсету саласы колледжіне курстық, дипломдық, методикалық бағыттарда көмек көрсетуге дайын екендіктерін жеткізді.