МҰҒАЛЖАРДЫҢ ӨНІМДЕРІ ТҮРКІСТАНДАҒЫ ЖӘРМЕҢКЕДЕ САТЫЛДЫ
Түркістан қаласында «Рухани жаңғыру» бағдарламасының бес жылдығына орай Ақтөбе облысының мәдени күндері өтті. Түркістанның экобазарында Ақтөбе облысының тауар өндірушілерінің ауыл шаруашылығы жәрмеңкесі ұйымдастырылды.
Ауыл шаруашылығы жәрмеңкесіне Мұғалжар ауданының өнімдері де қойылды.
Түркістанда өткен жәрмеңкеде Ақкемер, Батпақкөл, Еңбек, Қайыңды ауылдық округтері шаруа қожалықтарының жылқы еті мен сүт өнімдері жеткізіліп, төмен бағамен сатылды.