Облыстық мәслихат депутаттары Қандыағаш қаласы «Жастық» мөлтек ауданындағы №43 бес қабатты тұрғын үйдің күрделі жөндеу жұмыстарымен танысты.
Қиын жылдары аудан орталығында босап қалып, қаланың архитектуралық келбетін кетірген үйлердің бұл соңы. Оны сатып алып, жөндеп жатқан аудандық мәслихаттың депутаты, белгілі кәсіпкер Б.Қадралин.
Халық қалаулыларына аудан әкімдігі тарапынан пәтерлерді сатып алуға облыстық бюджеттен қаржы бөлу бойынша ұсыныс айтылды.
80 пәтерлі үйдің ішінде 1 бөлмелі — 35 пәтер, 2 бөлмелі — 35, пәтер, 3 бөлмелі — 10 пәтер, бар. Қазіргі таңда жалпы алаңы 5200 м2 болатын көпқабатты үйдің ішкі жөндеу жұмыстары жүргізілуде. Жалпы жөндеу жұмыстары шілде айында аяқталады деп күтілуде.