Ақтөбе облысының әкімі О.Оразалин өткен жылы Жұрын ауылын газдандыру кезінде келген іс-сапарында тұрғындар тарапынан ауылдың көшелерін қосымша асфальттау және ауылдық мәдениет үйіне күрделі жөндеу жұмыстары қажет ететіндігі жөнінде өтініштерін айтқан болатын.
Тұрғындар тарапынан айтылған ұсыныстар қабылданып, бұл мәселелерді орындау мақсатында жобалық-сметалық құжаттар дайындалды. Нәтижесінде ауылдық мәдениет үйіне жөндеу жұмыстары басталды. Жөндеу жұмыстары барысында мәдениет үйінің төбесі жаңартылып, ішкі электр жүйелері ауыстырылып, көп жылдан бері жөндеу көрмеген көрермендер залы, кітапхана өзге де үйірмелерге арналған кабинеттер толық жөнделеді. Мәдениет үйінің жөндеу жұмыстарын «Шаңырақ» ЖШС-і жүргізуде.
ЖҰРЫН АУЫЛДЫҚ МӘДЕНИЕТ ҮЙІ ЖӨНДЕЛУДЕ
