Ембі және Жем қалаларында сенбілік жұмыстары қарқынды түрде жалғасуда. Сенбілік аясында қала аумағындағы орталық көшелер мен әлеуметтік нысандардың айналасы түгелдей тазартылуда.
Жүргізіліп жатқан екі айлық сенбілік барысында Ембі қаласындағы мекемелер мен ұйым қызметкерлері, қала тұрғындары бір кісідей атсалысып, көшелерді абаттандыру жұмыстарын жүргізуде. Ембі қалалық әкімдігінің берген мәліметіне сүйенсек, өткен аптада қала бойынша 21 тонна қоқыс арнайы полигон аймақтарына шығарылған. Сенбілік жұмыстарына 60-қа жуық адам жұмылдырылған.
Ал Жем қаласы бойынша жүргізілген сенбілік жұмыстар аясында 3 тонна қоқыс шығарылған. Тазалық жұмыстарына қала аумағындағы мекемелердің қызметкерлері атсалысқан. Олар қаладығы «В.Унучко», «Бейбітшілік», «Гагарин», «Есет батыр» көшесін күл-қоқыстан тазартқан.