Өткен аптада Ақтөбе облысының әкімі Ералы Тоғжанов аудандық ветеринарлық стансасына 4 жаңа қызметтік автокөліктің кілтін табыстады.
Бұл істің Мемлекет басшысы Қасым-Жомарт Тоқаевтың «Халық бірлігі және жүйелі реформалар — ел өркендеуінің берік негізі» атты Жолдауындағы тапсырмасына сәйкес орындалып жатқанын айтқан облыс басшысы бүгінде облыс бойынша ветеринариялық станциялар мен пункттерді жабдықтау және материалдық-техникалық базасын жаңарту шараларының жүйелі жүргізіліп жатқанын жеткізді. Автокөліктерді сатып алуға 336 млн теңге бөлініп, Қазақстанда құрастырылған 29 «JAC S3» көлігі алынған.
Ау-дандық ветеринариялық стансасының басшысы Бауыржан Тлеулин ауданға берілген 4 автокөліктің біреуі аудандық ветеринариялық стансасына, ал үшеуі Талдысай, Батпақкөл, Еңбек ауылдық округтерінде орналасқан ветеринариялық пункттерге берілгенін жеткізді.
Н.ТІЛЕП