Алматы қаласында Математика, физика және информатика пәндері мұғалімдерінің IX Халықаралық шығармашылық байқауы өтті.
Дарынды, шығармашылықпен жұмыс істейтін мұғалімдер мен жаттықтырушыларды анықтау, олардың кәсіби құзыреттіліктерін оңтайлы меңгеруін дамыту, оларды қолдау және көтермелеу мақсатында ұйымдастырылған байқауға Ақтөбе облысының командасы қатысты.
Байқаудың қорытындысы бойынша Ақтөбе облысының командасы жүлделі ІІ орынды иеленді. Облыс құрамасының командасында болған жерлесіміз Талдысай ауылдық округі, Еңбек негізгі мектебінің математика пәнінің мұғалімі Мейрамбек Жоламан математика пәнінен ІІІ орынды иеленіп, командалық есепте жүлделі орыннан көрінуге өз септігін тигізді.