Қандыағаштық теміржолшылар жолда қалған түркиялық ауыр жүккөлік жүргізушілеріне көмектесіп, қазақ елінің мейірім әрі қонақжай екенін көрсетті.
ТЧ-5 Локомотив бригадасының машинистері Руслан Көзденов пен Иван Сафронов іссапар кезінде осыдан бірнеше күннен бері Ақтөбе-Шұбарқұдық тас жолында тоқтап тұрған көлікті байқайды. Қозғалыссыз тұрған көліктің мән-жайын білмек ниетте олар арнайы барып, жолаушыларына жолығады. Жөн сұрай келе олардың Түркия елінен Павлодар қаласына тауар тиеп бет алған жүргізушілер екенін біледі. Жүрегі жылылыққа толы машинстер қақаған қыстың аязында жолда қалған жолаушыларға тамақ пен ас-су апарып, қол көмектерін берді. Ал Ибрагим есімді түрік жүргізушісі өздеріне көмек беріп, мейірімділік танытқан қандыағаштықтарға ыстық ықыласын білдіріп, алғысын жаудырды. Бүгін бұзылған көліктің қосалқы бөлшегі келетінін, жөнделген соң жолға шығып, межелі жеріне аман жетуге ниетті екенін айтты.
ТЕМІРЖОЛШЫЛАР ЖОЛДА ҚАЛҒАН ЖОЛАУШЫЛАРҒА КӨМЕКТЕСТІ
