«ЖасStar»дене шынықтыру және сауықтыру спорт кешенінде дзюдодан 2008-2010 ж.т.жасөспірімдер арасында Ауған соғысында қаза болған жауынгерлерді және кейінгі жылдары өмірден өткен ардагерлерді еске алуға арналган ашық облыстық турнир өтті.
Турнирдің ашылу салтанатына қатысқан аудан әкімі Асқар Шериязданов қатысушы спортшыларға сәттілік тіледі. Ашылу салтанатында аудан басшысы қазақ күресінен «Халықаралық дәрежедегі спорт шебері» нормативін орындаған жерлесіміз Еламан Қойшыбаевқа куәлігін табыстап, Алғыс хатпен марапаттады.
10 салмақ бойынша жеңімпаз бен жүлдегерлерді анықтаған турнирге Ақтөбе, Қандыағаш, Ембі қалаларынан Байғанин, Темір, Қарғалы, Қобда, Мәртөк, Шалқар аудандарынан келген 250 спортшы қатысты. Турнирдің қорытындысы бойынша жеңімпаз бен жүлдегер атанғандар медальдармен, дипломдармен марапатталды.