Аудандық мәдениет үйі жанындағы 20 жылдан астам тарихы бар Халықтық театры жазушы, драматург, Қазақстан Республикасының Мемлекеттік сыйлығының иегері Дулат Исабековтың 80 жылдық мерейтойына орай «Әпке» спектаклін ұсынды.
Өткен ғасырда жазылса да, өзектілігін жоймаған туынды бүгін де қазақ қоғамы үшін маңыздылығын жоғалтпай, театр көрермендерімен қайта қауышты. Аталған спектакльді халықтық театрдың режиссеры Айнагүл Мусина ұсынды. Спектакльді тамашалауға аудан әкімі Асқар Шериязданов, мәслихат хатшысы Роза Мүсенова келді.
Алдынан шыққан қиындықтарға төтеп беріп, бауырларының амандығы үшін шыр-пыр болатын Қамажай рөлін А.Балгарина, оқымысты інісі Омардың рөлін Н.Самиғұлла, ерке інісі Тимурдың рөлін Е.Амангелдиев, сіңлісі Назиляның рөлін А.Жылқаман, кенже інісі Ермектің рөлін М.Отаралиев, шолжаң келін Камиланың рөлін Г.Баймұрзаева, Нәзиляның досы Гауһарды Н.Медетқызы, Қамажайдың жігіті Қабеннің рөлін С.Сәңкібай, Тимурдың досы Сұлтанның рөлін Т.Наурызғали шебер сомдап, көрерменнің ыстық ықыласына бөленді.
Н.ТІЛЕП.