«Мұғалжар» аудандық қоғамдық-саяси газеті

Көктемгі егіс жұмыстарын жүргізуге 413 мың тонна дизель отыны бөлінеді

Биыл көктемгі егіс жұмыстарын жүргізуге 413 мың тонна дизель отыны бөлінетін болады. Бұл туралы ҚазАқпарат АШМ сілтеме жасап хабарлайды.

Дизель отынының тапшылығын, сондай-ақ мұнай өңдеу зауыттарының біркелкі жүктемесін болдырмау үшін дизель отынын жеткізу ақпан айынан бастап кесте бойынша біркелкі жүргізіледі.

Энергетика министрлігі ақпан айына дизель отынының кепілдік берілген көлемінің құнын МӨЗ-ден тоннасына 222 мың теңге деңгейінде айқындады. Жеткізу бойынша шығыстарды ескере отырып, қазақстандық шаруалар үшін жанармайдың түпкілікті құны жанармай құю станцияларының нарықтық бағасынан 15-20%-ға арзан болады деп күтіліп отыр.

Дизель отынын жеткізу кезеңінде Ауыл шаруашылығы министрлігі Энергетика министрлігімен бірлесіп, өңірлерге МӨЗ-ден жөнелту кестесінің сақталуына күнделікті мониторинг жүргізетін болады.

2023 жылы облыс әкімдіктерінің деректеріне сәйкес, болжамды егіс алқаптары былтырғы көрсеткіштермен бірдей болады және 23 млн гектардан асады. Алдын ала кем дегенде 18 мың га қант қызылшасымен себіледі. Сондай-ақ көкөніс, бақша және күріш дақылдарының өсуі күтілуде.

Ұқсас ақпараттар

ЕЛАМАН – АЗИЯ ЖӘНЕ ОКЕАНИЯ ЧЕМПИОНАТЫНЫҢ КҮМІС ЖҮЛДЕГЕРІ

admin_mugalzhar

САНИТАРИЯЛЫҚ-ЭПИДЕМИОЛОГИЯЛЫҚ МАМАНДАР АУДАНҒА КЕЛДІ

admin_mugalzhar

АУДАН ӘКІМІ СПОРТШЫ ЕЛАМАН ҚОЙШЫБАЕВТЫ ҚАБЫЛДАДЫ

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.