«Мұғалжар» аудандық қоғамдық-саяси газеті

Мемлекеттік қызметшілерге арналған кәсіби өзін-өзі дамыту орталығы ашылды

Орталық Ақтөбе облысы әкімдігінің ғимаратында орналасқан.

Оның салтанатты ашылу рәсіміне Ақтөбе облысының әкімі Ералы Тоғжанов, сондай-ақ мемлекеттік, банк мекемелері мен қоғамдық қызмет көрсету қызметкерлерінің салалық кәсіподағының төрағасы Мирболат Жақыпов қатысты.

«Бұл жобаның басты ерекшелігі – мемлекеттік бюджеттен бірде-бір ақша бөлінбеген, мұның бәрі кәсіподақ қаражаты есебінен жасалды. Мұндай кабинеттер миды тынықтыруға, аз болса да, түскі уақытта демалуға және әріптестерімен жақсы уақыт өткізуге пайдалы», – деді құттықтау сөзінде Мирболат Жақыпов.

Орталық «Қызмет» салалық кәсіподағының Ақтөбе облыстық филиалының қолдауымен ҚР Кәсіподақтар федерациясы ұйымдастырған «Халық бюджеті-2022» байқауы аясында ашылды. Байқау қорытындысы бойынша Ақтөбе облысы әкімі аппаратының бастауыш кәсіподақ ұйымы «Кәсіби өзін-өзі дамыту орталығы» жобасының жеңімпазы атанған.

Бұл мемлекеттік қызметшілерге жұмыс уақытынан тыс уақытты тиімді пайдалануға мүмкіндік береді. Кабинетте әлеуметтік жобаларды жүзеге асырып, зияткерлік ойындар, өзін-өзі жетілдіру бойынша тренингтерге қатысуға, психологпен кеңесіп, кітап оқып, танымдық фильмдер көруге мүмкіндік бар.

А.МӘЛІКҚЫЗЫ, «Ақтөбе» газеті.

Ұқсас ақпараттар

2021 жылы Қазақстанда жаңа тұрғын үй бағасы қалай өзгереді?

admin_mugalzhar

АУДАН АУМАҒЫНДА ЕКІ АЙЛЫҚ СЕНБІЛІК БАСТАЛДЫ

admin_mugalzhar

ҚАНДЫАҒАШТА СПОРТ АЛАҢЫ АШЫЛДЫ

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.