«Мұғалжар» аудандық қоғамдық-саяси газеті

Облыс әкімі еңбек ардагерлері мен ғасыр жасаған қарияларды Алғыс айту күнімен құттықтады

Алғыс айту күні қарсаңында Ақтөбе облысының әкімі Ералы Тоғжанов туған жерінің игілігі үшін адал еңбек еткен жандарды құттықтады.

Олардың қатарында ағарту, кітапхана саласының ардагері, жазушы Тобық Жармағамбетовтің жұбайы Сәпия Кенжебайқызы бар.

Өңір басшысы өңірдің дамуына, өскелең ұрпақты тәрбиелеуге қосқан елеулі үлесі үшін Сәпия Кенжебайқызына алғысын білдірді.

Биыл 108 жасқа толған Жәкібай Бисенғалиеваға алғыс хат, гүл шоқтары мен сыйлықтар табыс етілді. Тыл еңбеккері, соғыс жылдары ұжымшарда жұмыс істеген, Ұлы отан соғысы мүгедегінің жесірі. Жеңіс күніне арналған барлық мерейтойлық медальдармен марапатталған.

Қазақтың белгілі өнер зерттеушісі, күйші Абдулхамит Райымбергеновтің анасы Хатима Райымбергенова биыл 90 жасқа толады.Ол – білім саласына еңбек сіңірген ардагер, төрт ұлы анасының ізін қуды.

«Сіздердің және замандастарыңыздың арқасында Ақтөбе облысы бүгінде Қазақстанның игілігі жолында еңбек етіп жүрген лайықты ұл-қыздарды тәрбиелеп шығарды. Ақтөбеліктердің атынан баршаңызға өлшеусіз еңбектеріңізге, бір емес, бірнеше ұрпаққа берген білімдеріңізге, жастарды тәрбиелеуге қосқан үлестеріңіз үшін алғыс айтамын», – деді Ералы Тоғжанов.

А.МӘЛІКҚЫЗЫ, «Ақтөбе» газеті.

Ұқсас ақпараттар

Қазақстанда алдағы күндері ауа райы қандай болады?

admin_mugalzhar

Дәурен Абаев: «Ақтөбе өңірі — айрықша туристік аймақ»

admin_mugalzhar

АУДАН МЕДИЦИНАСЫНА ӨЛШЕУСІЗ ҮЛЕС ҚОСҚАН ЖАН

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.