Жұрын ауылындағы Қ.Жұбанов атындағы жалпы білім беретін орта мектебінде «Ұлағат» әкелер кеңесінің кезекті отырысы өтті.
Мектеп директорының тәрбие ісі жөніндегі орынбасары Нұржанат Сейтимованың ұйымдастыруымен өткен шараның мақсаты — жас ұрпақты тәрбиелеу ісіндегі әкелердің мәртебесін және жауапкершілігін жоғарылату, отбасылық құндылықтарды дамыту және нығайту.
Жиынға көпбалалы әкелер мен қатар, жас әкелерде қатысты. Олар жиын барысында өзара тәжірибе алмасып, отбасы тәрбиесіндегі, балалардың бойына патриоттық сезімді дарытып, адамгершілік құндылықтарды қалыптастырудағы әке рөлін көтеру мәселелері, ата-аналар қауымдастығының жұмысын жетілдірудегі өзекті сұрақтарды талқылау сынды бірқатар мәселелер айтылды.
Жиында мектеп жанынан құрылған «Домбыра дастан» оркестрінің сүйемелдеуімен мектеп оқушылары «Мың алғыс әке» әнін хормен шырқап, әкелерге ілтипат танытты.
Ә.КЕҢЕСҰЛЫ