Аудан әкімі Дархан Ермағанбетов бастаған ақпараттық топ Қожасай, Шеңгелши ауылдарының тұрғындарымен кездесті.
Тұрғындармен өткен кездесулерде ақпараттық топ мүшелері ауыл тұрғындарының әл-ауқатын жақсарту және әлеуметтік мәселелерін шешу мақсатында «Ауыл аманаты» жобасы іске асырылып жатқанын жеткізіп, жобаға қатысып мемлекет тарапынан беріліп жатқан мүмкіндіктерді тиімді пайдалануға шақырды.
Сонымен қатар тұрғындарға аудан көлемінде жүргізіліп жатқан жұмыстар туралы да айтылды. Кездесулерде тұрғындардың ұсыныс-пікірлері тыңдалып, толғандырған сауалдарына жауаптар берілді.