«Мұғалжар» аудандық қоғамдық-саяси газеті

Шілде айында ыстықтан қалай қорғану керек? – Маман кеңесі

Шілде, әдетте, ең ыстық ай, сондықтан күн сәулесінен қорғану керек. Егде жастағы адамдардың, омыраудағы балалардың, ашық ауада жұмыс істейтін және созылмалы аурулары бар адамдар қатты ыстықта өзінің жай-күйіне мән беруі керек. Сондықтан Денсаулық сақтау министрлігі мамандары ыстықтан қорғану туралы кеңесін ұсынды деп хабарлады turkystan.kz.

Ауа температурасының қатты көтерілуі әлсіреу мен күн өтуіне алып келіп, жүрек-қан тамырлары, тыныс алу, бүйрек және психикалық ауруларды қоса алғанда, денсаулыққа қатысты мәселелерді нашарлатуы мүмкін. Ыстықтың денсаулыққа тигізетін кері әсерін қарапайым ұсынымдар арқылы болдырмауға болады.

Күннің ең ыстық уақытта, сағат 12-ден 16-ға дейін аса қажет болмаса, далаға шықпауға және үлкен физикалық күш салуды қажет ететін істермен айналыспауға тырысыңыз.

Егер сіз көшеге шығып үлгерген болсаңыз, көлеңкеде көбірек болу үшін маршрутты ойластырыңыз. Ешқандай жағдайда, тіпті балалар мен жануарларды жабық машиналарда аз уақытқа да қалдырмаңыз. Анда-санда салқындауға тырысыңыз, күніне 2-3 сағатты салқын жерде өткізіңіз (мысалы, кондиционері бар қоғамдық ғимараттар).

Қатты ыстықтаудан және сусызданудан аулақ болыңыз. Табиғи маталардан, жақсырақ ашық түстерден жасалған жеңіл және кең киім киіңіз, жеңіл шляпалар, күннен қорғайтын көзілдірік киіп, өзіңізбен бірге су бөтелкесін алып жүріңіз.

Организмді сусызданудан қорғау үшін үнемі су немесе жылы шай, бірақ суық емес жеміс шырындарын ішу керек.

Теріге күнге күюге қарсы заттарды жағыңыз, косметиканы көп қолданбаңыз.

Ыстық ауа райында рационнан майлы, қуырылған және тәтті тағамдарды алып тастауға тырысыңыз. Мәзірде жеңіл тағамдар – көкөністер, жемістер, қайнатылған немесе бұқтырылған балық, тауық еті, салқын сорпалар мен окрошкалар болуы керек. Санитариялық гигиена ережелерін есте сақтаңыз: көкөністер мен жемістерді ағынды сумен мұқият жуыңыз.

Алкогольді  (соның ішінде сыраны) тұтыну ұсынылмайды. Құрамында кофеині бар сусындар, сонымен қатар ағзадағы метаболикалық процестерді бәсеңдететін сусындар мен газдалған сусындар шөлді қандырмайды.

Егер әдеттен тыс белгілер пайда болса және симптомдар сақталса, дәрігерге қаралыңыз. Егер сіз адамның құрғақ, ыстық терісі, психикалық қозу белгілері, құрысу бар екенін байқасаңыз, сондай-ақ есінен танып қалса, дереу дәрігерге хабарласыңыз немесе «жедел жәрдем» шақырыңыз.

Ұқсас ақпараттар

КҮЗГІ СУЫҚ МЕЗГІЛДЕ, ДЕНСАУЛЫҚТЫ КҮТ, ЕРІНБЕ

admin_mugalzhar

ӘЖЕМНІҢ КҮМІС ЫДЫСЫ

admin_mugalzhar

ШАҢЫРАҒЫМ ШАЙҚАЛМАСЫН ДЕСЕҢІЗ…

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.