ҚР Парламенті Сенатының депутаты Бауыржан Қаниев ауданға жұмыс сапарымен келді.
Сапар аясында аудандық мәслихат төрағасы Б.Кадралин мен аудан әкімінің орынбасары Б.Құлмағамбетов «Самал» м/а жаңадан салынып жатырған 600 орындық мектеп құрылысын көрсетті. Сенатор құрылыс жұмыстары баяулап қалған білім ордасын жауапты мердігер мекеме басшылығына құрылыс жұмыстарын жандандыруды тапсырды.
Сонымен қатар аудандық мәслихат төрағасы Б.Кадралин аудан тұрғындарының атынан Сенат депутаты Б.Қаниевке ауданға қажетті бірнеше өзекті мәселелердің оң шешілуіне ықпал етуді сұрады.
Сондай-ақ Сенат депутаты Қандыағашта жаңадан іске қосылған дене шынықтыру-сауықтыру кешенінің және күрделі жөндеуден өткен аудандық аурухананың жұмыстарымен танысып, дәрігерлердің бірнеше ұсыныстарын қабылдады.