«Мұғалжар аудандық ішкі саясат бөлімі» ММ-нің әлеуметтік тапсырысы негізінде «Парасат» ақпараттық-кеңес беру және оңалту орталығының ұйымдастыруымен (РАНТ) Республикалық ақпараттық насихат тобының мүшесі, Қызылорда облыстық «Сыр дидары» газетінің редакторы, этнограф Сәкен Алдашбаев Мұғалжар ауданындағы діни тұрақтылықпен ынтымақтастықты нығайту мақсатында арнайы іссапармен келді.
Үш күндік іссапар барысында РАНТ мүшесі Сәкен Алдашбаев Қандыағаш өнеркәсіптік-экономикалық колледжінде, Мұғалжар гуманитарлық-техникалық колледжінде, Ембі қызмет көрсету саласы бойынша колледжінде студенттермен, Қандыағаш, Ембі қалалық орта мектептерінде, Жем қалалық №5 орта мектебінде, Мұғалжар, Құмжарған, Жаңажол орта мектептерінде оқушылармен және ата-аналармен кездесулер өткізуде.
Кездесулер барысында РАНТ мүшесі Сәкен Алдашбаев қазақтың салт-дәстүрі мен ырым-тыйымдарына қатысты тақырыптарда кең көлемде мәліметтер беріп, теріс ағымдардың зардаптарында айтып өтті.
Сондай-ақ кездесулерде жастардың діни сауаттылығын арттыру, үлкенді құрметтеу, тұрақтылықты нығайту мәселелері сөз болды.
Кездесулерге студенттер мен оқушылар көптеген мәліметтерге қанығып, көкейлеріндегі сұрақтарына жауаптарын алды.