ҚР Көлік министрі Марат Қарабаев және Ақтөбе облысының әкімі Асхат Шахаров жұмыс сапарымен Мұғалжар ауданына келді. Сапар аясында Қандыағаш теміржол вокзалының жұмысымен танысты.
Батыс өңіріндегі ірі тораптық станция Қандыағаш вокзалы – тәулігіне 18 жұп пойыз өткізіп отырған Ақтөбе теміржолының ең үлкен теміржол бекеті. 1998 жылы қолданысқа берілген вокзал екінші класты.
Қандыағаш теміржол вокзалында жолаушылар үшін барлық жағдай жасалған. Көлікке арналған тұрақтан бастап, ана мен бала және мүгедектерге арналған бөлмелер бар.
Аудан әкімі Дархан Ермағанбетов алдағы уақытта теміржол вокзалы аумағын одан әрі абаттандыру, жолаушыларды шығарып салып, күтіп алатын автотұрақ аймағын үлкейту мәселесі жұмыс жоспарына енгізілетіндігін жеткізді.