Ембі қаласында қалаішілік көшелердің жолдарын жөндеу жұмыстары жүргізілуде.
Жөнделіп жатқан көшелердің бірі — З.Бралов көшесі. Аталған көшеге орташа жөндеу жұмыстарын «ТенгриСтройИнвест» ЖШС-і жүргізуде. Көшенің жалпы ұзындығы -1157,25 метр. Құрылыс жұмыстарына бюджеттен 81 млн теңге бөлінген. Ал ұзындығы 2600 метрді құрайтын Есет батыр көшесіне күрделі жөндеу жұмыстары жүргізіліп жатыр. Аталмыш көшенің жөндеуін «Elif Alliance» ЖШС-і жүргізуде. Құрылыс жұмыстарына бюджеттен 245 млн теңге бөлініпті. Қала әкімі аталған көшелердің жөндеу жұмыстары жыл соңына дейін аяқталатынын жеткізді.
А.ДАРХАНҚЫЗЫ