Қазақстандық синоптиктер республика бойынша 2023 жылғы 7 қараша мен 9 қараша аралығындағы күн райы болжамын ұсынды, деп хабарлайды Zakon.kz.
«Қазгидромет» РМК ұсынған мәлімет бойынша, барикалық түзілімдердің өзгеруінен республиканың басым бөлігінде күн райы құбылмалы болады, қар аралас жаңбыр жауады.
«8-9 қарашада елдің оңтүстігінде, 9 қарашада оңтүстік-шығыста қатты жаңбыр жауады, республика бойынша жел күшейеді, түнде және таңертең тұман түседі деп болжанды», – делінген хабарламада.