Бүгін №4 Қандыағаш қалалық ЖББОМ-нің 10-сынып оқушылары бірқатар қандыағаштық кәсіпкерлермен кездесті.
«Табысты тұлғалар» тақырыбындағы кешті сынып жетекшілері — С.Карибеков, Р.Сариева, К.Құрмашева және А.Сафина ұйымдастырды. Шара — жас жеткіншектердің жетістікке жеткен табысты жандардан үлгі-өнеге мен болашақ мамандықтарына бағыт-бағдар алуына, жетістікке жету жолдарын меңгеруіне көмектесу мақсатында өтті. Кездесуге келген кәсіпкерлердің қатарында «Мөлдір» әсемдік салонының иесі Гүлсара Кенжебаева, “SDS Engineering” ЖШС-нің директоры, жобалық-сметалық құжаттар және дизайн-студиясының иесі Аян Калимжан, жеке нотариус, заңгер Асқаржан Карабалаков болды.
Аталмыш шара әңгімелесу форматында өтіп, кеш қонақтары жетістікке жетудің сырларымен бөлісіп, білім алушыларға ақыл-кеңестерін берді.