Ақтөбе облысының бірқатар аймақтарында қарлы-боран салдарынан республикалық және облыстық маңызы бар жолдар жабылған болатын.
Мұғалжар ауданының әкімдігі мен Қандыағаш қаласының кәсіпкерлері тарапынан «Ақтөбе-Атырау» тас жолында қалған азаматтарды құтқару, жүргізушілер мен жолаушыларды ыстық тамақпен қамту жұмыстары жүргізілуде.
Қандыағаш қаласының маңында тұрған жүк көліктері мен жеңіл көліктердегі жолаушыларға «Алтын орман» мейрамхансы мен «ИП Айжан» ыстық тамақтар мен ыстық сусындар таратты. Жолда қалған әрбір көлікке ас жеткізіп беріп жатқан азаматтарға жолаушылар өз тараптарынан алғыстарын білдірді.