«Мұғалжар» аудандық қоғамдық-саяси газеті

Ақтөбе облысының әкімі тұрғындарға үндеу жасады

Облыстағы 7 республикалық және 7 облыстық маңызы бар автожолдар жабылды. Ақтөбе облысының әкімі Асхат Шахаров Facebook әлеуметтік желісіндегі парақшасында өңірде қалыптасқан жағдай туралы бейнежазба жариялады.

Ол келтірген мәліметтерге қарағанда, облыстағы 7 республикалық және 7 облыстық маңызы бар автожолдар жабық.

«Апаттық-құтқару жұмыстарына 46 полиция жасағы, төтенше жағдай, әскери бөлімдері мен жергілікті атқарушы органдардан 81 техника, 211 жеке құрам тартылды. Облыстың 8 ауданының орталығында, яғни Қарғалы, Қобда, Әйтеке би, Алға, Мұғалжар, Хромтау, Байғанин, Мәртөк аудандарында 11 жылыту пункті ашылды. Оларға 427 адам, оның ішінде 18 әйел және 20 бала орналастырылды. 8 автобус қар құрсауынан шығарылып, 157 адам, оның ішінде 17 бала эвакуацияланды және жақын жердегі жылыту пункттеріне жеткізілді. Полиция трассалардағы 50-ден астам автокөлікті құтқарды», — деген Асхат Шахаров өңірдегі жарық беру мәселесіне тоқталған, бригадалардың түнімен жұмыс істейтінін атап өтті.

«Облыстағы 56 ауылдың 27-сі жарыққа қосылды. Ол — 2700 абонент. Ақтөбе қаласында да жарық сөнді. Қала және аудандарда жарық беру жұмыстары үздіксіз жүргізіледі», — деп атап өтті облыс әкімі.

Ал сумен қамту бойынша «Төменгі Қарғалы» және «Тамды» тоғандары, сондай-ақ қаланың су тазарту нысандарының жұмысы қалпына келтірілген.

Бейнежазба соңында өңір басшысы сын сағатта күндіз-түні қолдау көрсетіп, жолдағы азаматтарға барынша қол ұшын созып жатқан мейірімді жандарға, волонтерларға алғыс айтып, баршаны орын алған жағдайларға түсіністік танытып, сабыр сақтауға шақырған.

«Біз әрқашан біргеміз. Амандықта болайық», — деп сөзін түйіндеді Асхат Шахаров.

Ұқсас ақпараттар

ҚОҚЫС ТАСТАМАҢЫЗ! АЙЫППҰЛ ТӨЛЕЙСІЗ!

admin_mugalzhar

АРДАГЕРГЕ ҚҰРМЕТ

admin_mugalzhar

МЕКТЕП АВТОБУСЫ: БАЛА ҚАУІПСІЗДІГІ — МАҢЫЗДЫ

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.