1 мамыр – Қазақстан халықтарының бірлігі күні қарсаңында Мұғалжар аудандық тарихи-өлкетану музейінде арнайы шара өтті. Жас ұрпаққа патриотизмді, отансүйгіштікті, ынтымақтастықты, достықты насихаттау мақсатында ұйымдастырылған іс-шараға ауданның өзге ұлт өкілдері, МГТК колледжінің студенттері қатысты.
Оның ішінде өзбек Закир Гафуров, украин ұлтынан Татьяна …………………. және аналар кеңесінің төрайымы Жұмагүл Асабаева бар.
Жиында сөз сөйлеген аудандық тарихи-өлкетану музейінің директоры Шамшат Әбдірзақов ұлттар татуластығы мен бейбіт өмірдің және бірліктің баға жетпес маңыздылығын атап өтіп, жиналғандарды мерекемен құттықтады. Сондай-ақ басқосуда қонақтар сөз сөйлеп, оқиғаларымен бөлісіп, өздерінің шынайы тілектерін білдіріп, бәрінің басын қосып отырған көпұлтты Қазақстан мемлекетімен мақтанатындарын атап өтті.