Облыс әкімі Оңдасын Оразалин Қандыағаш қаласы «Жастық» мөлтек ауданындағы №43 бес қабатты тұрғын үйдің күрделі жөндеу жұмыстарымен танысты. Облыс басшысы өткен жылы келген сапарында босап қалған, бірақ жаратуға келетін ғимараттарды жеке кәсіпкерлермен келіссөздер жүргізіп, қалыпқа келтіріп тиімді пайдалануды тапсырған болатын.
Осыған орай, Қиын жылдары аудан орталығында босап қалып, қаланың архитектуралық келбетін кетіріп тұрған соңғы көп қабатты тұрғын үйді алып, жөндеп жатқан аудандық мәслихаттың депутаты, белгілі жергілікті кәсіпкер Бақытжан Қадралин.
80 пәтерлі үйдің ішінде 1 бөлмелі — 35 пәтер, 2 бөлмелі — 35, пәтер, 3 бөлмелі — 10 пәтер, бар. Қазіргі таңда жалпы алаңы 5200 м2 болатын көпқабатты үйдің ішкі жөндеу жұмыстары жүргізілуде. Жалпы жөндеу жұмыстары шілде айында аяқталады деп күтілуде.