Бүгін Қандыағаш қалалық балалар және жасөспірімдер спорт мектебінде дзюдодан Ауған соғысы жауынгерлерін еске алу турнирі өтуде. Додалы спорт шарасының ашылу салтанатына аудан әкімі Дархан Ермағанбетов, Ауған соғысының ардагерлері және өмірден өткен жауынгерлердің жұбайлары қатысты.
Шараның шымылдығы ҚР Гимнімен ашылды. Турнирге қатысқан аудан басшысы бүгінгі бейбіт заман үшін жауынгерлерге рахметін айтып, жарыс қатысушыларына сәттілік тіледі. Марқұм болған жауынгерлердің рухына “Нұртай” мешітінің бас имамы Мұхамбетисмаил Шадман құран бағыштады.
Жарысқа жалпы саны сегіз команда қатысуда. Олар — Атырау, Маңғыстау облыстары, Байғанин, Шалқар, Әйтеке би аудандары және Ембі, Ақтөбе, Қандыағаш қалаларының командалары.