Аудандық мәдениет үйінде Ақтөбе қаласының 155 жылдығы аясында ұйымдастырылған аудандық «Әнші балапан-2024» балалар байқауы өтті.
Халық шығармашылығы жанрларын өңірде дамыту, дарындыбалалардыанықтау мақсатында өткен байқауда «эстрадалық вокал», «академиялық вокал», «дәстүрлі» жанрларбойынша 7-9, 10-12 жас аралығындағы қалалық, ауылдық округтерден қатысқан өнерпаз балалар бақтарын сынады. Байқауға қатысқан балалардың өнерін бағалап, қазылық еткендердің қатарында аудандық мәдениет, тілдерді дамыту, дене шынықтыру және спорт бөлімінің басшысы Сәуле Хамзина, әнші Салауат Сәңкібай, термеші Әлима Сәдуова болды.
Қазылар алқасының шешімімен «эстрадалықвокал» жанры бойынша 7-9 жас аралығындағы өнерпаздар балалар арасында Бас жүлдені Айдария Сәлімжан, 9-12 жас аралағындағы балалар арасында Бас жүлдені Аяулым Мұратқалиева жеңіп алды. Ал дәстүрлі жанр бойынша Айзере Шораева өз өнерін көрсетіп, Бас жүлдеге ие болды. Енді олар Ақтөбе қаласында өтетін облыстық «Әнші балапан -2024» байқауына барып, өнер көрсететін болады.
Н.АБАТ
«ӘНШІ БАЛАПАН — 2024»: ӨНЕРПАЗ БАЛАПАНДАР АНЫҚТАЛДЫ
