Ақтөбе қаласында Мұғалжар аудандық қорғаныс істері жөніндегі бөлімнің ұйымдастыруымен әскерге шақырылушы жас сарбаздарды әскерге шығарып салу іс-шарасы өтті.
Іс-шараға қатысқан аудан әкімінің орынбасары Бекболат Құлмағамбетов құттықтау сөз сөйлеп жастарды елінің патриоты болуға үндеді. Әскерге шақырылушыларға сәт сапар тіледі. Сонымен қатар іс-шараға аудандық қорғаныс істері бөлімінің бастығы Азамат Байдосов, ауған соғысының ардагері Роман Тасқынбаев қатысты.
Мұғалжар ауданынан 10 сарбаз ҰҚК шекара қызметіне Отан алдындағы борышын өтеуге жіберілді.
Ата-аналар да жастарды жігерлендіріп, ақ тілектерін біллірді. Аудандық мәдениет үйінің өнерпаздары өздерінің арнайы дайындаған музыкалық бағдарламасын ұсынды.
Күзгі әскерге шақыру науқаны бойынша аудан бойынша 85 болашақ сарбаздарды әскерге жіберу жоспарлануда.