Айсұлтан МҰХАМБЕТҚАЗИН, қала тұрғыны, зейнеткер:
— Газет-журнал оқу – зейнеткерлердің белсенділігін білдіретін біздің сүйікті істеріміздің бірі. Қазір әлеуметтік желілер бар болса да, газет-журналдардан өзім үшін көптеген қызықты мәліметтер алатынымды мойындаймын. Маған бұрын «Вокруг света» журналы ұнайтын. Бүгінде аудандағы жаңалықтардан хабардар болу үшін аудандық «Мұғалжар» газетінің бір санын жібермеуге тырысамын. Айтпақшы, газеттің инста-парақшасын да бақылап отырамын, себебі мен әлеуметтік желіні де белсенді пайдаланатындардың қатарынанмын. Газет журналистерінен Әсел Абданбаеваны жеке танимын.
Аудандық басылым бетінде туған өлкеміздің, оның халқының тарихы туралы материалдар жарияланып жүр, әлде де көбейсе деген ұсынысым бар. Маған жуырда жарияланған «Қойнауы тарихқа толы – Қонжар балалар үйі» аттымақалақаттыұнады. Меніңдеәкем осы балалар үйінде тәрбиеленген. Соңғы жылдары «Мұғалжар» газетінің мазмұны мен безендірілуі жаңа сипатқа ие болып, жаңарып келеді. Сонымен бірге маңызы мен өзектілігін де жоғалтқан емес. Газет ұжымына шығармашылық табыс тілеймін!