Мұғалжар гуманитарлық техникалық колледжінде сапалы жетістіктерімен көзге түскен, студенттерге дәріс беріп, куратор қызметін атқарып жүргендер арасында «Жыл кураторы -2024» байқауы өтті.
Ұлттық құндылық пен тәрбие нақышын танытып, жастардың бойына адалдық пен әділдік, мәдениет пен өнеге қағидаттарын сіңіре білген көріністер, арнау ән мен термелер, шығармашылық көрме мен поэзия жанрымен көркемделген байқауға 18 топ және 18 куратор қатысты.
Сайыс нәтижесі бойынша І орынды болашақ бастауыш сынып мұғалімдері тобының кураторы Райса Жалмағамбетова жеңіп алды. Ал ІІ орынды болашақ бастауыш сынып мұғалімдері тобының кураторы Күлайым Балапанова иеленсе, жүлделі ІІІ орынды ізденімпаз жас мамандар Бақытгүл Исағали мен Диана Ашимова қанжығаларына байлады. Сонымен қатар МГТК әкімшілігі аудан жастарының тәрбиесіне қосқан үлесі мен нашақорлықтың алдын алу және профилактикалық жұмыстарының нәтижесі үшін I орын алған Райса Жалмағамбетоваға Мысыр еліне саяхат жолдамасын табыстады.
А.ДАРХАНҚЫЗЫ