Азия чемпионы Аяулым Жұмабай жастар арасында қол күресінен өткен Қазақстан Республикасы чемпионатында жүлделі ІІІ орынға ие болды.
Ол 50 келі салмақ дәрежесінде өнер көрсетті. Қандыағаш қалалық №2 жалпы білім беретін орта мектебінің оқушысы, балалар-жасөспірімдер спорт мектебінің тәрбиеленушісі Аяулым Жұмабайды бапкері Санат Самат жаттықтырады. Бұған дейін жерлесіміз қол күресінен Молдова мемлекетінде өткен жасөспірім қыздар арасында әлем чемпионатында алтыннан алқа тағып, қол күресінен облыс тарихында алғаш чемпион атанды.