Тәуелсіздік күніне орай, Ақтөбедегі «Дина» гипермаркетінде ерекше шара өтті.
Ғазиза Жұбанова атындағы облыстық филармонияның камералық хор ұжымының әншілері сауда орталығында Мемлекеттік Гимнді шырқап, ақтөбеліктердің құрметіне бөленді.
Қолдарына Ту ұстап, бір мезетте рухты шығарманы орындаған өнерпаздарды сауда орталығының сатушылары да, азық-түлік сатып алып жүрген тұрғындар да айырықша қарсы алды.
Жерлестер керемет көріністі қалт жібермей, олармен қосыла әндетті. Кейбірі әсерлі сәтті ұялы телефондарына түсіріп те жатты.
Хор ұжымы сондай-ақ, «Атамекен» әнін де бір мезетте орындап, баршаны Тәуелсіздік мерекесімен құттықтады.
🚀 t.me/aqtobe_oblysy_akimdigi