Желтоқсан айының әрбір үшінші жексенбісінде Қазақстанда Энергетик күні аталып өтеді. Бұл — еңбегі қарапайым азаматтар мен жалпы ел өмірінде жылумен, жарықпен электр энергиясымен қамтамасыз ету сияқты маңызды міндетпен байланысты адамдардың кәсіби мерекесі.
Мерекеге орай өңір басшысы Ақтөбе облысындағы энергетика саласында еңбек етіп жүрген мамандарды кәсіби мерекесімен құттықтап, салтанатты түрде марапаттады.
Марапат алғандардың қатарында «Энергосистема» ЖШС-нің аға шебері Сайлаубай Тажғаринде бар. Ол ҚР Президенті Жарлығымен ІІІ дәрежелі «Даңқ» орденімен наградатталды.