Оқу-ағарту министрлігінің «Дарын» республикалық ғылыми-практикалық орталығының ұйымдастыруымен 9- 11 қаңтар күндері Қаскелең қаласында С.Демирель атындағы университетте «Педагогикалық идеялар фестивалі» республикалық конкурсы өтті.
Педагогтердің кәсіби өсуін ынталандыру, инновациялық тәжірибесін зерделеу және тарату мақсатында өткен республикалық конкурсқа қатысқан мұғалжарлық ұстаздар аудан намысын қорғап, жеңіс тұғырынан көрінді. Аталған конкурсқа еліміздің барлық өңірлерінен білім беру ұйымдарының басшылары, мұғалімдері, тәрбиешілері, психологтері мен педагогтері қатысқан. Ұстаздардың білімдері мен шеберліктері сынға түскен жарыс нәтижесі бойынша ауданның намысын қорғаған Құмжарған ЖББОМ-нің физика пәні мұғалімі Жадыра Қанымқұлова жүлделі ІІ орын иеленсе, Жаңажол ЖББОМ-нің математика пәні мұғалімі Арайлым Елеукен ІІІ орынды жеңіп алды.
А.МАНАСБАЕВА
МҰҒАЛЖАРЛЫҚ ҰСТАЗДАР ЖЕҢІС ТҰҒЫРЫНАН КӨРІНДІ
