Мемлекет басшысының отандық бизнес өкілдерімен болған кездесуінде көтерілген қосымша құн салығы мәселесі еліміздің экономикасында маңызды рөл атқарады. Реформаларды жүзеге асырғанда, алдымен әрбір саладағы ерекшеліктер мен қажеттіліктерді ескеріп, жан-жақты сараптама жасау қажет. Президенттің бүгінгі кездесуде айтқаны — ұсынылған салық мөлшерлемелері бизнес үшін тым жоғары. Міне нағыз халық үніне құлақ асатын мемлекеттің көрінісі. Сонымен қатар президент бизнес, қоғам және сарапшылардың пікірлері міндетті түрде тыңдалуы тиіс екенін айтты. Бұл талқылаулардың нәтижесінде нақты шешімдер қабылданып, олар экономикамыздың тұрақтылығына, кәсіпкерлердің табысына ықпал етуі тиіс. Енді Үкіметке жүктелген міндет – халықтың пікірін ескере отырып, оңтайлы шешім ұсыну.
Аманкелді Шунимов, мемлекеттік қызметтің ардагері.