«Атамекен» кәсіпкерлер палатасының аудандық филиалында кәсіпкерлік саласын дамыту мақсатында аудандық кірістер басқармасының мамандары және аудан кәсіпкерлерінің қатысуымен отырыс өтті. Аталған жиында салық саласындағы өзгерістер мен кәсіпкерлерге қатысты өзекті мәселелер сөзболды.
Аудандық кірістер басқармасының салықтық әкімшілендіру және өндіріп алу бөлімінің бас маманы Ербол Аманқұлов кәсіпкерлер үшін маңызды салықтық өзгерістер туралы хабарлама жасады. Ал аудандық кәсіпкерлік және ауыл шаруашылығы бөлімінің кәсіпкерлік секторының меңгерушісі Нұрсұлтан Тайтақов 2024 жылы атқарылған кәсіпкерлік саласындағы жұмыстардың қорытындыларын баяндап, аудандағы кәсіпкерлік белсенділікті арттыру бағдарламаларын атап өтті.
Сондай-ақ отырыс барысында кеңес мүшелері өз пікірлерін білдіріп, сұрақтарына жауаптарды алу мүмкіндігіне ие болды. Сонымен қатар, Ләззат Алмашева жетекшілік ететін «Zerde» оқу орталығы мен «Қамқор» отбасын қолдау орталығы арасында әлеуметтік әлсіз топтарға жататын отбасылардың балаларын тегін қосымша оқыту, кәсіпкерлердің қолдауымен жүзеге асыру мақсатында меморандум жасалды. Отырысты қорытындылаған «Атамекен» кәсіпкерлер палатасы Мұғалжар аудандық филиалының директоры Көмекбай Бектұрғанов болашақта кәсіпкерлікті дамыту мақсатында көптеген маңызды жобалардыіскеасырудыжоспарлапотырғанынжеткізді. Оныңсөзінше, аудан кәсіпкерлеріне ортақ мақсат – бизнеске деген қызығушылықты арттыру және әлеуметтікжауапкершілікті күшейту болып табылады. Сол себепті «Атамекен» кәсіпкерлер палатасының отырысы ауданның кәсіпкерлік экожүйесін нығайтуда маңызды қадам болып табылатынын айтты.
А.МАНАСБАЕВА