Ембі қаласының 120 жылдық тарихы бар тепловоз жөндеу депосы жаңартылып, «Олжа» акционерлік қоғамының Ембі бөлімшесіндегі сервис орталығы болып қайта ашылды.
Салтанатты іс-шарада «Олжа» акционерлік қоғамы «CRRC Ziyang Company LTD» компаниясымен бірлесе отырып заманауи үлгідегі «SKD 9C-KZ-001» тепловозы таныстырылды.
Іс-шараға аудан әкімінің орынбасары Әкімжан Есенаманов, кәсіпорын қызметкерлері және Ембі қаласының тұрғындары қатысты.
Тарихқа көз салсақ, Ембі тепловоз жөндеу депосы осыдан 75 жыл бұрын алғашқы ТЭ-1 тепловозын сынақтан өткізген болатын.
Ембі тепловоз жөндеу депосына жаңа тепловоздың келуі жүк айналымын жүйелі жүргізуде септігі зор болары анық.
Ауыспалы тарту күшімен басқарылатын айнымалы-тұрақты токтың электр берілісі бар екі секциялы заманауи үлгідегі «SKD 9C-KZ-001» магистралдық жүк тепловозы теміржол инфрақұрылымын пайдалану тиімділігін арттырып, жүктерді жеткізу уақытын қысқартуға мүмкіндік беретін болады.