Биылғы оқу жылының қорытындысы бойынша аудан мектептерін 672 түлек бітіріп, қолдарына орта мектепті бітіргені туралы аттестаттарын алды.
Аудандық білім бөлімінің мамандары 2024-2025 оқу жылында мектеп бітіруші түлектердің арасында 31 түлек «Алтын белгіге» және 38 түлек «Үздік аттестатқа» ие болғанын хабарлады.
— Биылғы оқу жылын ойдағыдай аяқтап жатырмыз. Осы жылы аудан мектептерін жалпы саны 12 741 оқушы аяқтады. Оның 1156-сы 9- сыныпты бітіріп, куәлік алса, 1270-сі бастауыш сыныппен қоштасты. 5, 6, 7, 8 және 10-сынып оқушылары 27-31 мамыр аралығында қазақ тілінен емтихан тапсырды. Мектеп бітірген 672 түлектің 668-і Ұлттық бірыңғай тестке қатысу үшін ұсыныс білдіріп, тест тапсыруда. Осы уақытқа дейін өткен ҰБТ-дан жақсы нәтиже көрсетіп, жоғары балл жинаған оқушыларымыз бар. Соңғы тест 7-ші шілдеді өтеді. Соның қорытындысын көре-тін боламыз, — деді аудандық білім бөлімінің сектор меңгерушісі Жандос Байтақов.